Raadslid waarsku herhaal-oortreders in voortgesette swerwerstryd
Onwettige plakkershutte naby Wonderboom-stasie is afgebreek met die wykraadslid Quentin Meyer wat waarsku dat herhaal-oortreders strenger optrede opgelê sal word.
Gemeenskapsfrustrasie neem toe oor onwettige plakkershuise en rondlopers langs die N3-roete, veral by die Wonderboom-stasie.
Ondanks herhaalde waarskuwings en afdwingingsmaatreëls, keer die oortreders telkens terug.
Wyk 2 raadslid Quentin Meyer waarsku dat diegene wat terugkeer om onwettig te herbou, sal strenger maatreëls in die gesig staar.
Hy sê hulle het ’n wenk ontvang rakende plakkershuise wat langs die Wonderboom-treinstasie opgerig is.
Sekuriteits- en munisipale beamptes het dadelik gereageer en op een bewoner afgekom tussen Wonderboom en Pretoria-Noord. Die persoon is beveel om sy besittings te verwyder en het sonder weerstand gehoorsaam.
Meyer sê ses plakkershuise is verwyder met streng waarskuwings aan die eienaars teen die terugkeer of herbou van die strukture in die area.
“Hierdie area is nie ’n plek vir onwettige nedersettings nie. Dit hou ernstige veiligheids- en sekuriteitsrisiko’s in vir pendelaars, inwoners en die integriteit van ons vervoerinfrastruktuur.
“Diegene wat poog om terug te keer nadat hulle verwyder is, sal strenger wetstoepassing in die gesig staar, omdat ons nie kan toelaat dat herhaalde oortredings die gemeenskap bedreig nie,” sê Meyer.
Meyer beklemtoon die gevare wat hierdie tydelike strukture vir openbare veiligheid inhou.
“Plakkershutte langs die stasieheining belemmer nie net sigbaarheid vir drywers en sekuriteitspersoneel nie, maar skep ook onveilige omstandighede vir pendelaars, veral gedurende piektye.
“Die groei van onwettige nedersettings is ’n openbare kwessie wat onmiddellike optrede eis,” sê hy.
Die operasie het sterk ondersteuning van munisipale sekuriteitspanne ontvang, wat ook smouse wat in die omgewing handel dryf, aangespreek het.
Die smouse het tydelike stalletjies en strukture opgerig wat sigbaarheid rondom die stasie belemmer en bykomende veiligheidsgevare skep.
Meyer doen ’n beroep op meer omvattende oplossings om haweloosheid en rondlopery in die area aan te spreek.
“Ons is vasbeslote om die oorsake van swerwers aan te spreek, maar ons kan nie die veiligheid en sekuriteit van ons gemeenskap in gedrang bring nie,” sê hy.
Inwoner en gemeenskapsleier Raymond Ditsi sê dat swerwery in die gemeenskap onaanvaarbaar is.
“Ons het drie mense gevind wat in hierdie onwettige plakkerskamp woon. Die plek stink.
“Hierdie mense moet gaan. Ek weet nie waarheen nie, maar hulle moet gaan,” sê Ditsi.
Het jy dalk meer inligting rakende dié storie?
Stuur gerus vir ons ‘n epos na bennittb@rekord.co.za of skakel ons by 083-625-4114.
Vir jou daaglikse gratis gemeenskapsnuus, besoek Rekord se webwerf: Rekord
Besoek ook ons Facebook, Twitter en Instagram en TikTok.
