Amper tyd vir die jaarlikse dorpsfees
Die jaarlikse dorpsfees beloof om hope pret vir die hele familie te bied.
Moenie die jaarlikse dorpsfees misloop wat vanaf 5-7 September in Pierre van Ryneveld plaasvind nie.
Bekendes soos Bobby van Jaarsveld gaan ook ‘n draai by dié fees maak.
Dié fees beloof om hope pret vir die hele familie te verskaf. Nie net is daar verskeie stalletjies nie maar ook arena optredes wat perde vertonings, honde parade, trompoppies insluit.
Vir die mans is daar die Toyota 4×4 baan, dieselfde baan as by die 2013 Motorskou in Johannesburg.
Groot pryse is ook op die spel vir die Mnr & Mej Pierre van Ryneveld.
Volgens Estelle Henderson, Fees-Koordineerder, is dié fees ‘n initiatief van die Pierre van Ryneveld Gemeenskapskerk waar die kerk iets teruggee aan die gemeenskap in die vorm van ‘n fees vir almal.
“Ons wil dit wat ons in ons gemeenskap doen en beleef met almal deel en so ander gemeenskappe beinvloed om so vir hulle mede-inwoners om te gee.”
Besoek gerus dié dorpfees se webtuiste vir meer inligting.
Kaartjies kos R120 en kan gekoop word op www.tixsa.co.za.
