CVO leerders plant bome

Leerders van die CVO-skool Potgietersrus het verlede week gehelp om nuwe bome op die skoolterrein te plant as deel van Nasionale Boomplantmaand.

Boomplantdag het sy oorsprong in 1872 in Nebraska in die Verenigde State gehad en in Suid-Afrika is die eerste Boomplantdag in 1983 gevier. Die dag is gehou om bewustheid te kweek vir die waarde van bome in ons samelewing.

Die regering het egter in 1999 besluit om die viering van Boomplantdag te verander na Nasionale Boomplant Week. Later het dit wyer uitgekring en nou word die vieringe vir die hele maand in September gehou.

Die CVO-skool bedank Nyl Kwekery, Molly Birkholtz en al die ouers wat bome geskenk het.