Camp Discovery ‘n reuse sukses

MOKOPANE – DIE Krugies se o/13A en B-netbalspanne het vanaf 24 tot 26 Maart aan ‘n baie suksesvolle netbalkliniek by Camp Discovery deelgeneem.

Daar was 400 meisies vanaf 15 skole van regoor die land wat aan hierdie netbalkliniek deelgeneem het.

“Dit wat ‘n fantastiese geleentheid en ek sal dit verseker aanbeveel. Die meisies het baie geleer en hulself gate uit geniet. Hulle was selfs bederf met ‘n wildrit,” sê Retha du Toit, een van die afrigters.

Die o/13A-span het deurgedring tot die eindstryd, maar dit het ongelukkig uitgereën, “al die meisies het puik gespeel,” sê Retha.