Diepseehengel is haar heel grootste passie

MOKOPANE – JODENE van Wyk, ‘n gr. 12-leerder van Hoërskool Hans Strijdom, is op haar gelukkigste in die diep waters van die see met ‘n visstok in die hand. Diepseehengel is ‘n gogga wat haar reeds op 9-jarige ouderdom gebyt het. Jodene is vir die tweede agtereenvolgende jaar vir die Suid-Afrikaanse diepsee hengelspan gekies waarmee sy ook spog met die gesogte titel as kaptein. Die Nasionale diepsee-hengelkampioenskap vind in Julie by die pragtige Shelly Beach aan die Suidkus van Kwazulu Natal plaas.

Op haar hengel kerfstok het Jodine al sewe jaar provinsiaal gehengel en spog sy met twee jaar as nasionale verteenwoordiger.