Boere kom gesels saam by LIMRPO se jaarkongres

MOKOPANE – DIE Limpopo Rooivleis Produsente Organisasie (LIMRPO) het verlede Dinsdag hul jaarkongres by Hoeka Toeka in Voorstraat gehou waar verskeie landbousake onder die vergrootglas gekom het.

‘n Nuwe bestuur vir die organisasie is ook aangewys met dr. Henk Visser wat herkies is as voorsitter.

Die ander bestuurslede is: Marinus van Dyk (ondervoorsitter), Wilma Prinsloo (bedryfsbestuurder) en Bertus van Heerden en Japie Els as addisionele dagbestuurslede.

Johann Vosser van Vleissentraal Bosveld en Marius van Tonder van die Vleislapa slaghuis op Polokwane het elk ‘n oorkonde ontvang vir hul toewyding en ywer, asook om lewende hawe transaksies te bevorder in die provinsie.