Noodforum studiefonds daar om kinders te help
Solidariteit Helpende Hand se vrywilligertakke het 'n uitmuntende 135 kinders se drome bewaarheid deur vir hulle rentevrye studielenings ter waarde van R4 miljoen toe te ken vir 2016.
LIMPOPO – Solidariteit Helpende Hand se vrywilligertakke het ‘n uitmuntende 135 kinders se drome bewaarheid deur vir hulle rentevrye studielenings ter waarde van R4 miljoen toe te ken vir 2016.
Helpende Hand het tans 143 takke regoor die land en 85 van hierdie takke het reeds ‘n suksesvolle gemeenskapfonds op die been gebring. Die Mokopane Noodforum Gemeenskapstudiefonds is in lyn met die Solidariteit Beweging se toekomsplanne om deur self-doen-aksies ‘n daadwerklike verskil in die gemeenskap te maak.
Solidariteit Helpende Hand-takke kan oor die afgelope vier jaar terug kyk en bevestig dat hulle deur middel van die stig van 85 studiefondse alreeds ‘n reuse bydrae tot hierdie visie gemaak het.
Indien lesers ‘n finansiële bydrae tot hierdie studiefonds wil maak kan hulle vir Eulogia de Wet by 082 4341711 kontak.
