Kleuterseuns word voorberei vir groot rugby vorentoe

Die leerkragte van Suikerbekkie Kleuterskool is dit eens dat die ontwikkelling van ‘n wye verskeidenheid vaardighede baie belangrik is en daarom bied die skool gereeld verryk-kingskursusse aan. Plaaslike rugbyafrigter, Jason Pretorius, besoek die skool elke Donderdag waar hy basiese rugbytegnieke vir seuns van drie tot ses jaar aanleer. Die seuns oefen sowat 45 minute lank …

April 21, 2016

1 minute read

Jaden Kilian en Janco Smit van Suikerbekkie Kleuterskool saam met Jason Pretorius, plaaslike rugbyafrigter.

Die leerkragte van Suikerbekkie Kleuterskool is dit eens dat die ontwikkelling van ‘n wye verskeidenheid vaardighede baie belangrik is en daarom bied die skool gereeld verryk-kingskursusse aan.
Plaaslike rugbyafrigter, Jason Pretorius, besoek die skool elke Donderdag waar hy basiese rugbytegnieke vir seuns van drie tot ses jaar aanleer.
Die seuns oefen sowat 45 minute lank en Pretorius konsentreer veral daarop om hulle te leer om veilig op die rugbyveld te wees. Hy gee ook spesiale aandag aan balhantering.
“Ek berei hulle van jongs af voor vir die dag wanneer hulle besluit om hul rugbystewels aan te trek.”
Pretorius sê dat hy beslis talent raaksien en dat ‘n hele paar seuns eendag nog groot uitblinkers kan wees.
Die kleuters dink dit is groot pret om elke week saam met hul maats rugby te speel en ‘n paar lesse op die koop toe te leer.