Kierieklapperpret van vroeg tot laataand

MOKOPANE –  Die feeshekke is soggens om 09:00 oop en die Potgietersrus Dienssentrum vir Bejaardes nooi die hele gemeenskap om saam te kom kuier op die feesterrein by Hoërskool Piet Potgieter.

Daar is talle stalletjies met heerlike eet – en drinkgoed en hope pret vir die jongklomp. Vanaand tree Brendan Peypers om 19:00 op die buiteverhoog op en daarna die gewilde vrouegroep, SAARKIE. Liz Meiring is om 19:00 in die skoolsaal met haar opvoering Langpad  & Lipstieks. By die ingang na die terrein is die pretpark waar daar tot laataand gekerjakker kan word.