Jong man in hof oor dwelms

Die 20-jarige Adriaan Smit wat ongeveer twee weke gelede in Sterpark vir die besit van dwelms aangekeer is, het verlede Woensdag in die Polokwane landdroshof verskyn waarna die saak tot Desember uitgestel is.
Polokwane polisiewoordvoerder, Lesiba Ramoshaba kon egter nie bevestig of Smit op borgtog vrygelaat is nie.
Die arrestasie is gemaak nadat ‘n vermis­te meisie in die woonstel gevind is waar Smit daarna in hegtenis geneem is nadat hy met dwelms betrap is.
Daar is op verskeie sakkies dwelms, onder meer kokaïen en dagga, beslag gelê. ‘n Selfgemaakte dwelm­pyp en verskeie leë sakkies is ook gevind.

Storie: RC Myburgh
>>rc.observer@gmail.com

Hooffoto: Verskeie dwelmverwante items is gekonfiskeer. (Foto: Verskaf)