POLOKWANE – Die klasse is na byna 10 jaar se wag voltooi en ingebruik geneem deur die leerders en onderwysers.
“Ons is baie dankbaar dat ons uiteindelik met konstruksie kon begin, en ook vir die Departement van Onderwys se samewerking om die projek goed te keur en in hul begroting in te sluit. Ons weet daar is groot nood in ander dele van die provinsie,” vertel hoof van die skool, Peet Bredenkamp.
Skole regoor die stad voel die druk elke begin van die jaar wanneer honderde leerders nie plek gegee kan word weens ‘n probleem van te veel leerders in een klas.
Bredenkamp sê die skool is reeds van 2005 af besig met briewe aan die departement opgevolg deur verskeie vergaderings vir die klasse, “Ons wil seker maak dat leerders beter onderrig ontvang,” vertel Bredenkamp.
