PHS-leerders wys ware welwillendheid-gees

Elke jaar gedurende die winter moet die gr.10-leerders van Hoërskool Pietersburg wat lewensoriëentering as ‘n vak het gemeenskapswerk doen.

July 25, 2017

Maretha Swanepoel 1 minute read

Die gr.10 groep PHS-leerders wat tyd by Ivydale Shelter spandeer het. Hier is Liam van Staden, Hanna Helberg, Aluska Botes, Dewald Jacobs en Claudia Vonderstein. Zander Kelly was afwesig. Foto's: Verskaf

POLOKWANE – Die doel van dié gemeenskapswerk is om ‘n verskil in minderbevoorregte mense se lewens te maak.

Een groep het besluit om by die inwoners van Ivydale Shelter te gaan kuier en tyd saam met die inwoners spandeer. Hulle het ook die inwoners bederf met klere. Hulle het meer as net een naweek saam met die inwoners spandeer en vertel dat dit hulle eie lewens baie verryk het.

Aluska Botes en Hanna Helberg speel met een van die Shelter se katte.

Die groep vertel dat hulle besluit het op Ivydale Shelter aangesien daar veral kinders is wat hulp nodig het.

Een van die leerders, Claudia Vonderstein vertel: “Dit was ‘n nederige ervaring en ons het dit baie geniet. Dit het ons harte bly gemaak om glimlagte op ander, veral die kinders, se gesigte te sit. Ons sal dit beslis weer doen.

maretha@nmgroup.co.za