Slegs wenners by Werk en Wen se atletiek
‘n Volgepakte pawiljoen het verlede Woensdagmiddag weer bewys dat ouers van Werk en Wen Pre-primêre Skool hul spruite se aktiwiteite vooropstel en selfs ‘n paar oupas het vol energie aan die jaarlikse atletiekbyeenkoms by Pietersburg Laerskool deelgeneem. Kleuters van die Bytjieklas het 30 m genael, terwyl die groter kleuters vir 50 m kans gesien het. …
‘n Volgepakte pawiljoen het verlede Woensdagmiddag weer bewys dat ouers van Werk en Wen Pre-primêre Skool hul spruite se aktiwiteite vooropstel en selfs ‘n paar oupas het vol energie aan die jaarlikse atletiekbyeenkoms by Pietersburg Laerskool deelgeneem.
Kleuters van die Bytjieklas het 30 m genael, terwyl die groter kleuters vir 50 m kans gesien het.
Skoolhoof, Monica Strauss, sê 125 kleuters sowel as ‘n groep ouers, grootouers en die leiergroep van Pietersburg Laerskool het saamgehardloop.
“By Werk en Wen is almal wenners en elke kleuter wat deelgeneem het, het ‘n medalje en sertifikaat ontvang.
“Ouers en personeel het die atlete wat hulp nodig gehad het, tot by die wenpaal ondersteun en aangemoedig om hul selfvertroue te versterk,” meen Strauss.
Storie en foto’s: BARRY VILJOEN
>>barryv.observer@gmail.com
