Netbal- en rugbyaksie om Stigtingsdag te vier
Curro Heuwelkruin se terrein was Saterdag stampvol spelers, besoekers en ouers wat die tweede dag van Kruinies se Stigtingsdagvieringe in die vorm van ‘n sportdag ondersteun het. Kruinies se rugby- en netbalspanne het verskeie skole aangedurf en gemegde welslae behaal. Die bulletjies was eerste aan die beurt met skole soos Erica Pre-primêre Skool en Akademie …
Curro Heuwelkruin se terrein was Saterdag stampvol spelers, besoekers en ouers wat die tweede dag van Kruinies se Stigtingsdagvieringe in die vorm van ‘n sportdag ondersteun het.
Kruinies se rugby- en netbalspanne het verskeie skole aangedurf en gemegde welslae behaal.
Die bulletjies was eerste aan die beurt met skole soos Erica Pre-primêre Skool en Akademie Reformia wat teen Kruinies kragte gemeet en vir groot opwinding gesorg het. Kruinies se eerste netbalspan het al drie hulle wedstryde teen Hoërskool Warmbad, Hoër Tegniese Skool Tom Naudé en Hoërskool Nylstroom gewen terwyl gemengde welslae deur die o.17-, o.16-, o.15- en o.14-spanne behaal is.
Die laerskool se eerste netbalspan het beide hul wedstryde teen Curro Secunda en Eagle’s Nest Christian School gewen.
Op die rugbyveld het die laerskool se eerstespan Curro Secunda 27-23 geklop. Die hoërskool se eerstespan kon nie in hul voetspore volg nie en moes met 21-40 die spit teen Hoërskool Louis Trichardt afbyt.
Die dag is deur ‘n kragmeting tussen Kruinies Rugbyklub en Louis Trichardt Rugbyklub afgesluit. Sien storie elders.
Storie en foto’s: RC Myburgh
>>rc.observer@gmail.com
Steynberg, o.16, gaan kuier agter die pale.
