Tuksreeks – PHS se hokkie, netbal presteer, rugby stel teleur
Hoërskool Pietersburg (PHS) se hokkie- en netbalspanne het goed presteer tydens Saterdag se Tuksreekskragmeting teen Hoërskool Transvalia van Vanderbijlpark terwyl die rugbyspanne klei teen hul opponente getrap het. Slegs die tweede rugbyspan kon met ‘n 26-20 telling daarin slaag om Transvalia ore aan te sit. Die eerstespan was flou kole teen Transvalia en moes met …
Hoërskool Pietersburg (PHS) se hokkie- en netbalspanne het goed presteer tydens Saterdag se Tuksreekskragmeting teen Hoërskool Transvalia van Vanderbijlpark terwyl die rugbyspanne klei teen hul opponente getrap het.
Slegs die tweede rugbyspan kon met ‘n 26-20 telling daarin slaag om Transvalia ore aan te sit. Die eerstespan was flou kole teen Transvalia en moes met 17-64 stert tussen die bene die veld verlaat.
Op die netbalbaan het dit aansienlik beter gegaan en die meisies het meestal die botoon gevoer en ses van die nege wedstryde gewen.
Die eerstespan het naelskraaps met 32-30 geseëvier.
Die seunhokkiespanne was gretig om balle doelkas toe te stuur en die o.14-, o.16- en eerstespan wen elk hul wedstryd 3-0.
Die meisies was ook nie skaam om te wys waartoe hulle in staat is nie en wen ses uit agt wedstryde oortuigend. Die eerstespan seëvier met 2-0.
PHS se spanne het 16 doele aangeteken en net ses afgestaan.
Storie en foto’s: RC Myburgh
>>rc.observer@gmail.com
en sy opponent
wedywer om balbeheer.
