NewsSchools
Koekverkoping om Piet Hugo se geldkoffers te styf
Die tafels het Vrydag tydens Laerskool Piet Hugo se graad 2-koekverkoping onder al die lekkernye gekreun wat van die hand gesit is. Nie net lekkergoed, springmielies, oliebolle en kolwyntjies was te koop nie, maar kon leerders ook hul magies met vars pasteie, stokworsies en pizzas vul. Graad 2-graadhoof, Leandra Horn, sê elke graad kry kwartaalliks …
Die tafels het Vrydag tydens Laerskool Piet Hugo se graad 2-koekverkoping onder al die lekkernye gekreun wat van die hand gesit is.
Nie net lekkergoed, springmielies, oliebolle en kolwyntjies was te koop nie, maar kon leerders ook hul magies met vars pasteie, stokworsies en pizzas vul.
Graad 2-graadhoof, Leandra Horn, sê elke graad kry kwartaalliks ‘n beurt om ‘n koekverkoping te hou om geld vir die skool in te samel. “Die produkte word meestal deur ouers en besighede geskenk of ons koop dit teen baie billike pryse aan en herverkoop dit. Die ingesamelde geld word op verskeie maniere weer in die skool teruggeploeg,” sê Horn.
Storie en foto’s: RC Myburgh
>>rc.observer@gmail.com
At Caxton, every story is written by humans. We use AI only to perform quality checks - never to generate the news. Happy reading!
