2018 se hoofmeisie, Christelle Swart bedank die skool vir hul ondersteuning. Fotos: Lea Basson
POLOKWANE – Op dié spesiale aand word daar vir eregaste, die leiers van die jaar asook hul opvolgers in die middel van die saal plek gemaak.
Vanjaar is die leerders deur die skoolhoof, asook operasionele hoof erkenning gegee en graadhoofde het boodskappe aan beide die uitgaande en inkomende leiers voorgelees.
Die spesiale aand is onlangs in die skoolsaal gehou, waar ouers die geleentheid gekry het om die balkies vir die nuwe leiers op te sit. Die hoofleiers is ook by die funksie aangewys.
Hoof van PLS Peet Bredenkamp gesels met die nuwe leiers.
2018 se hoofseun, Dewan Gobey van PLS gesels met die nuwe hoofseun en -meisie oor hul verantwoordelikhede.
Martin Kroh, die leiervoog van PLS klink op die sukses van die 2018 leiers wat uittree en die 2019 leiers wat gereed is om die bul by die horings te pak.
