Jou Radio is 'n nuwe gemeenskapsradiostasie wat binnekort op die lug sal wees. Review het met van die vrywillige omroepers gesels om te hoor waarom hulle graag om die lug wil wees.
Jacomien van Wyk: Ek het besluit om vir die oudisie te gaan aangesien dit ‘n radiostasie vir die gemeenskap is, en ek wil help om die gemeenskap bymekaar te bring en ‘n positiewe verskil te maak.
Loudine Redelinghuys: Dit is iets nuut, ‘n nuwe uitdaging en ek is gek oor uitdagings. Dit sal my uit my gemaklikheidsone neem en dit lyk na pret.
Marthie Herholdt: Ek het ‘n passie vir die vermaaklikheidsbedryf en om met mense te werk, daarom dat ek vir ‘n oudisie gegaan.
Louise Groenewald: Heelwat mense het my genader en aangeraai om vir die oudisie te gaan, en dus het ek toe onder groepsdruk verval. Ek hoop om ‘n verskil in die gemeenskap te maak.
Rudolph Pretorius: Ek is nog altyd lief vir radio en luister graag daarna. Dit was altyd ‘n droom om in die radiowese te werk. Ek is ook al lank ‘n inwoner van Polokwane en het baie stories. Dit is ook my gemeenskap hierdie.
Philip Buys: Ek sien dit as ‘n lekker uitdaging waarvan ek graag deel wil wees en ek is baie lief vir musiek.
Tony Naudé: Ek was voorheen ‘n omroeper en wil graag teruggee aan die gemeenskap.
