Pieties wys tande tydens wintersportbyeenkoms
Honderde ouers, toeskouers en sportseuns- en -meisies wat Saterdag op Hoërskool Pietersburg (PHS) se sportveld toegesak het, het die begin van die wintersportseisoen met die eerste kragmeting teen Hoërskool Merensky van Tzaneen aangekondig. Vir Pieties se netbal- en hokkiespanne was dit ‘n vriendskaplike byeenkoms en hulle het die kans goed benut om vir die seisoen …
Honderde ouers, toeskouers en sportseuns- en -meisies wat Saterdag op Hoërskool Pietersburg (PHS) se sportveld toegesak het, het die begin van die wintersportseisoen met die eerste kragmeting teen Hoërskool Merensky van Tzaneen aangekondig.
Vir Pieties se netbal- en hokkiespanne was dit ‘n vriendskaplike byeenkoms en hulle het die kans goed benut om vir die seisoen voor te berei.
Afrigters kon ook finale besluite neem en aanpassings tot die spanne maak.
Die kragmeting het egter meer druk op die rugbyspanne geplaas omdat dit die eerste wedstryde in die jaarlikse Virseker-bekerreeks was met die eerstespan wat dadelik die toon aangegee het deur ‘n 68-15 oorwinning te behaal.
Op die netbalbaan het die eerste netbalspan 41-17 geseëvier en die eerste hokkieseuns 5-0 met die louere weggestap het. Die eerste hokkiemeisies het na ‘n harde wedstryd een elk gelykop gespeel.
Storie en foto’s: RC Myburgh
>>rc.observer@gmail.com
