POLOKWANE – Die Departement van Vervoer het bevestig dat die R71 vir eers gesluit bly vir motoriste terwyl nooddienstewerkers steeds op die toneel werksaam is.

Die waarnemende woordvoerder, Matome Taueatsoala, het gesê die brand in Magoebaskloof vroeg vanoggend was die oorsaak van ’n voorval waarby ’n vragmotor betrokke was wat gasbottels vervoer het, en nie ’n gastenker soos vroeër berig is nie.

@polokwanereview 🚨 A gas tanker exploded on the R71 in Magoebaskloof, Limpopo earlier this morning. One person has died, the road is closed, and emergency crews are on scene. Avoid the area! #Magoebaskloof #R71 #BreakingNews #polokwanereview #limpopo ♬ I feel lost in this world – Gabriél

Volgens berigte op ’n plaaslike nooddiens-WhatsApp-groep het die vragmotor deur die versperring net bokant Magoebaskloof Ruskamp gebars vanweë remme wat onklaar geraak het.

Die voertuig het omstreeks 01:00 aan die brand geslaan. Die brand is intussen geblus.

“Nooddienstewerkers is steeds op die toneel en alhoewel die meeste wrakstukke reeds verwyder is en die grootste deel van die brand in die omliggende bosgebied geblus is, bly die pas steeds gesluit. Ons het ook berigte ontvang dat die brand die eiendom van Warriors Basecamp bereik het en dat hulle besig is om dit te keer voordat dit die skuur op die perseel bereik,” aldus ‘n boodskap op die groep.

Daar is ook berig dat die bestuurder van die vragmotor ongedeerd van die toneel kon ontsnap.

Dit blyk volgens inligting, of daar geen ander voertuie betrokke was nie.