Middelburg domineer Pieties in massiewe oorwinning
’n Taai naweek vir Hoërskool Pietersburg se eerste en o/15A krieketspanne teen Hoërskool Middelburg, maar Schoeman blink uit met die bal.
POLOKWANE – Hoërskool Pietersburg se krieketspanne het die naweek teen Hoërskool Middelburg te staan gekom.
Die eerste span het die loot gewen en besluit om eerste te boul.
Willem Viljoen was die openingsbouler. Eduan Strydom en Fredrik Boshof van Middelburg is openingskolwers en teken onderskeidelik 28 en 11 lopies aan.
Nijan Swart van Middelburg teken 54 lopies aan met Hendré Nel en Wilré Cilliers op 48 lopies elk.
Hennie Schoeman van PHS en Stephan Swanepoel neem elk drie paaltjies in onderskeidelik nege en 10 beurte.
Willem Viljoen en AJ Galloway het beide twee paaltjies in hulle onderskeie sewe en 10 beurte.
Middelburg teken 280 lopies in 47 beurte aan.
Na ‘n kort breek het Jan Hendrick Boneschans en Alex Thomson van PHS hulle plek voor die paaltjies ingeneem terwyl Hendré Nel van Middelburg geboul het.
Willem Viljoen maak 19 lopies van 21 balle, en kort op sy hakke is Hancu Marais met 17 lopies van 18 balle.
Jan Hendrick Boneschans maak nege lopies van 13 balle en Stephan Swanepoel, agt lopies van 17 balle.
PHS word uitgeboul vir 72 lopies in 19.5 beurte. Hennie Schoeman word as die speler van die week aangewys.
PHS verloor die wedstryd met 208 lopies.
Tydens die o/15A wedstryd het Middelburg eerste gekolf en 420/7 in 48 beurte aangeteken.
Ryan Evert neem twee paaltjies in 10 beurte vir 67 lopies, en Nathan Faver neem ook twee paaltjies in 10 beurte vir 74 lopies.
Zandré Nel, Luwhan Oosthuizen en Livan van der Merwe neem een paaltjie elk.
PHS teken 103 almal uit aan in 24.3 beurte en verloor die wedstryd met 317 lopies.
