Goud vir gimnaste
Gymstars se seunsgimnaste het hul kompetisie seisoen op 'n hoogtepunt beëindig.
POLOKWANE – Gymstars se seunsgimnaste het hul kompetisie seisoen op ‘n hoogtepunt beëindig.
Die klub se vlak 1 tot 3 seunsgimnaste het onlangs aan die Noordstreek-kompetisie te Kemptonpark deelgeneem en puik resultate opgelewer.
Sewentien seuns het gaan deelneem vir die Limpopospan, 15 seuns het goud medaljes ontvang vir hul gemiddelde en twee seuns het silwer medaljes ontvang.
In die vlak 1, 6-7 jaar kategorie het Gymstars se seuns die top drie plekke geneem.
“Ons is bevoorreg om ons kompetisie seisoen af te sluit met seuns wat soveel talent en karakter getoon het,” het Gymstars eienaar en afrigter, Lelanie Logtenberg gesê.
Die volgende uitsonderlike prestasies is deur die seuns behaal:
• Andrew Stopforth, eersteplek algeheel (vlak 1, 6-7 jaar).
• Ronin Lawrence, tweede algeheel (vlak 1, 6-7 jaar).
• Andru de Beer, derde algeheel (vlak 1, 6-7 jaar).
• Marno Roos, derde algeheel (vlak 2, 7-8 jaar).
• Eduard de Lange, derde algheel (vlak 2, 9-10 jaar).
• JD Roos, eerste algeheel (vlak 2, 11-13 jaar).
• Pieter Roos, tweede algeheel (vlak 3, 11-13 jaar).
