Plaaslike skut wen eerste plek
Roelof Myburgh van die Bosveld Jagters en Wildbewaringsvereniging (BJV) Pietersburg-tak verower 'n eerste plek in die Suid-Afrika Sport Jag Federasie (SASJF) Groeperingskiet Kompetisie.
POLOKWANE – Roelof Myburgh van die Bosveld Jagters en Wildbewaringsvereniging (BJV) Pietersburg-tak verower ‘n eerste plek in die Suid-Afrika Sport Jag Federasie (SASJF) Groeperingskiet Kompetisie.
Die Kompetisie het op Donderdag, 24 September by die Polokwane Skiet Sentrum plaasgevind waar plaaslike skut, Roelof, die eerste plek gekry het in die groepering van die 19,5 mm geweer skiet.
“Baie lede van verskeie organisasies het die kompetiesie kom bywoon wat gesorg het vir ‘n opwindende dag,” sê Hannes Willemse, tesourier van SASJF.
Pete Millan van Mokopane het ‘n tweede plek verower en Daan Louw van Modimolle het die derde plek verwerf.
“Namens die SASJF wil ons net almal bedank vir hulle ondersteuning gedurende die dag se verrigtinge,” bedank Willemse.
