Kersfees is in die liggies

POLOKWANE – Inwoners kan gedurende die feesseisoen piekniek hou met kersliggies as agtergrond danksy die insette van die Polokwane Kinder- en Gesinssorgvereninging in Jorrisonstraat. Die kantore en tuin is versier met liggies wat ‘n feestelike atmosfeer skep. Die staltoneel word ook met liggies uitgebeeld en daar en Kersvaders met val-skerms teen die mure afspring. “Dit …

December 11, 2013

Maretha Swanepoel Less than a minute

Vriende en gesinne hou saam piekniek in die Polokwane Kinder- en Gesinsorgvereniging se tuin. Voor sit Henco Venter. In die middel sit Justin Smith, Hendré Venter, Annamari Britz en Corinne Lloyd. Agter sit Petru Wolmarans.

POLOKWANE – Inwoners kan gedurende die feesseisoen piekniek hou met kersliggies as agtergrond danksy die insette van die Polokwane Kinder- en Gesinssorgvereninging in Jorrisonstraat.

Die kantore en tuin is versier met liggies wat ‘n feestelike atmosfeer skep.

Die staltoneel word ook met liggies uitgebeeld en daar en Kersvaders met val-skerms teen die mure afspring.

“Dit is lekker om jaarliks die glimlagte op mense se gesigte te sien as hulle piekniek hou onder die kersliggies,” sê Lorette Bosch, kantoorhoof van die vereniging.

Inwoners wat na die liggies kom kyk het, sê hulle is van plan om weer besoek af te lê.

Inwoners kan die tuin elke aand tot 31 Desember tussen 19:00 en 21:00 besoek.

Vir meer inligting skakel Bosch by 075 297 3326.