Unieke kunsuitstalling bring Suid-Afrika se top kunswerke na Polokwane gehore
Kunsliefhebbers in Polokwane het verlede Dinsdagaand die geleentheid gehad om 40 besondere kunswerke by Ambiance Restaurant te besigtig.
POLOKWANE – Kunsliefhebbers in Polokwane het verlede Dinsdagaand die geleentheid gehad om 40 besondere kunswerke by Ambiance Restaurant te besigtig.
Daar was werke van bekende Suid-Afrikaanse kunstenaars soos Isak Koch, Antoinette van der Merwe, Tina Swart, Bill Monroe, Kasey van der Leck en Thomas te sien by dié uitstalling.
Clifton Barnard en Llewellyn Kruger van De Oude Kunstgalerij in Port Elizabeth toer die land vol met dié kunswerke wat hulle elke dag in ‘n ander dorp uitstal.
“Ons is baie bevoorreg dat hulle ons as uitstalruimte gekies het,” het Daleen Curtin, van Ambiance Restaurant, vertel.
“Dit is baie lekker om in ‘n rustige atmosfeer ‘n koppie koffie te geniet en na sulke goeie kuns te kan kyk,” het Armand Boshoff, ‘n kunsliefhebber van Polokwane, gesê.
