Leeuwkuil GPF-pretdag lok groot belangstelling
Die Leeuwkuil Gemeenskapspolisiëringsforum (GPF) se pretdag wat Saterdag op ‘n hoewe buite die stad gehou is, is goed ondersteun deur inwoners en besoekers. Die plaaslike Wag-‘n-Bietjie Orkes het vir musiek gesorg en kinders het aan ‘n sakresies deelgeneem terwyl geleentheid gebied is om ‘n paar balle op die gholfoefenbof af te slaan. ‘n Verskeidenheid eet-en …
Die Leeuwkuil Gemeenskapspolisiëringsforum (GPF) se pretdag wat Saterdag op ‘n hoewe buite die stad gehou is, is goed ondersteun deur inwoners en besoekers.
Die plaaslike Wag-‘n-Bietjie Orkes het vir musiek gesorg en kinders het aan ‘n sakresies deelgeneem terwyl geleentheid gebied is om ‘n paar balle op die gholfoefenbof af te slaan. ‘n Verskeidenheid eet-en drinkgoed was te koop en ‘n potjiekoskompetisie het kokke se vaardighede beproef.
Die Ladanna GPF het die geleentheid ondersteun en twee bergfietse wat as pryse in ‘n trekking uitgeloof is, geskenk.
Polla Venter, voorsitter van die Leeuwkuil GPF, verduidelik dat die geleentheid gereël is om inwoners van die kleinhoewes aan mekaar voor te stel en ‘n bewustheid vir die rol van die GPF te kweek.
“Die omstandighede waarin ons leef, maak dit noodsaaklik dat inwoners met mekaar skakel want ons is op mekaar aangewese. Ons moet mekaar se oë en ore wees,” sê Venter.
Storie, foto’s & video: BARRY VILJOEN
>>barryv.observer@gmail.com
