Tuksreeksspanne voorgestel, Kardoesie agter tralies

Opgewondenheid het onlangs op die pawiljoen geheers toe Hoërskool Pietersburg (PHS) se eerste hokkie-, netbal- en rugbyspanne vir die Tuksreeks aan die res van die skool bekendgestel is. Boonop het oud-Pietie en spe­siale gasspreker, Daan Jansen, ‘n motiveringstoespraak gelewer ter motivering van die leerders. “Drome kan waar word en enig­iets is binne elkeen se bereik …

March 22, 2018
1 minute read

Opgewondenheid het onlangs op die pawiljoen geheers toe Hoërskool Pietersburg (PHS) se eerste hokkie-, netbal- en rugbyspanne vir die Tuksreeks aan die res van die skool bekendgestel is.
Boonop het oud-Pietie en spe­siale gasspreker, Daan Jansen, ‘n motiveringstoespraak gelewer ter motivering van die leerders.
“Drome kan waar word en enig­iets is binne elkeen se bereik as jy hard genoeg daarvoor werk,” het Jansen, wat groot naam in Amerika as produksie-assistent in internasionale realiteitsreekse maak, aan leerders gesê.
Groot ontsteltenis het egter ook op die pawiljoen geheers toe Kardoesie deur Kansa-personeel en polisielede van die stad tydens die opening op twee aanklagte gearresteer is. Kardoesie, ‘n pop in PHS-uniform, word tradisioneel tydens ‘n jaarlikse kompetisie aan die graad wat onder meer met hul tema, lyndans en kreet uitstaan, toegeken.
“Kardoesie het haar verplig­tinge as PHS-verteenwoordiger met die oorhandiging van ‘n donasie deur die ATKV-jeugtak op 8 Februarie versuim en Kansa-personeel met haar afwesigheid teleurgestel.”
Kardoesie sal wel later op borgtog vrygelaat word indien die leerders en onderwysers genoeg geld insamel om die oortredinge te regverdig, volgens Christopher Combrink, Kansa Limpopo-gemeenskapsmobiliseerder.
Eerstespanleerders het ook ‘n trokrit na twee laerskole as deel van hul ‘Groot Brag’ onderneem.

Storie en foto’s: KAREN VENTER
>>karen@observer.co.za

Die Tuksreeks-rugbyspan is, voor Juninho Patricio, Lohan Duvenage, Diaan Geerkens, Francois Koekemoer, Zander de Ridder, Taylor du Plessis, Ruan van Tonder, Tristen van Tonder en Franco du Plessis. Agter is Pietie, Karel Ferreira, BB Groep (hoofborg), Jaco du Toit, Eben van der Heyde, Schalk Potgieter, Gerhard Venter, Gerhard van der Merwe, Roy Stewart, Kalilan Ferreira, Dirkie van der Merwe (kaptein), Willie Schoeman (skoolhoof), Jurgen von Houwald, Martin van Niekerk, Devan Janse van Rensburg, Brandon Cronje, Sharn van Rensburg, JC de Beer en Pierre Coetzee (organiseerder en afrigter).
Die Tuksreeks seunshokkiespanlede is voor Ivan Reynecke, Juano Eksteen, Eli Ströh, Braam van den Heever, Wian Kruger, Bart Oerlemans en Edwill van Zyl. Agter is Anel Bezuidenhout (afrigter), Pietie, Christo Stears, Jacques Vermaak, Carl Schulenburg, Luhan Steyn, Heinrich Viljoen, G.W. Badenhorst, Jos Fouché, Louis Nel en Dewald Oerlemans (afrigter).
Die Tuksreeks-netbalspan is Marizaan Quinn, Antonette Albertyn, Tarren Harrison, Mari Geerkens, Pietie, Lizbée du Preez, Marcelle de Jager, Yvette Louw, Zandri Swartz en Lindi Smit.
Die Tuksreeks meisies hokkiespan is, voor Tenieke van der Watt, Minette du Preez, Amore van der Linde, Carmen Pratt, Zani Burger, Lu-Shawn Visagie en Alida du Preez. Agter is Marie Henning (afrigter), Annelize Henning, Uné Burger, Emma Ströh, Inge Brits, Christine Rossouw, Elismarie Olivier, Elizabeth Venter, Bernice Wagner, Chebé van der Merwe en Dorein van Zyl (afrigter). Heelagter staan Pietie.
Kardoesie word deur twee Polokwane polisiebeamptes weggeneem nadat sy gearresteer is. Heel regs is Kansa Limpopo gemeenskapsmobiliseerder, Christopher Combrink.
Gasspreker en oud-Pietie, lewer Vrydag sy motiveringstoespraak.
March 22, 2018
1 minute read
Back to top button