Rioolstank duur voort

Riool borrel steeds uit op die hoek van Vlok- en Tautestraat.

Volgens inwoners, het die munisipaliteit al probeer om die fout te herstel, maar vir die soveelste keer is die sypaadjie ‘n riool-moeras.

Die rolbalklub wat op die teenoorgestelde hoek geleë is, word ook deur die gemors geraak.

Met die puik toestande van die bane word daar deesdae baie streeks-en provinsiale kampioenskappe aangebied wat talle besoekers na Ermelo lok.

Volgens mnr Vaino Prinsloo, president van Ermelo Rolbalklub, is die reuk met tye onuithoubaar en ‘n vernedering vir Ermelo.