ER24 ambulans in ongeluk betrokke

Ermelo: Vyf mense, onder wie ’n swanger vrou het ernstige beserings vrygespring in ’n botsing tussen ’n ambulans van Er24 Nooddienste en twee ligte motorvoertuie.

Daar was geen pasiënte in die ambulans nie.

Vier mense is na die Ermelo Provinsiale Hospitaal vervoer waar hulle vir ligte beserings behandel is. ’n Paramedikus van Er24 is na die Medi Clinic Ermelo vervoer waar hy vir geringe beserings behandel is.

Die ongeluk het vanoggend kort ná 00:06 op die hoek van Kerk en Tautestraat plaasgevind.

Die oorsaak van die ongeluk word ondersoek.