Gemeenskap bloei om tronkvoëls vry te laat
Die Teksa SANBS het baie moeite gedoen om die dag vir elkeen wat deelgeneem het spesiaal te maak.
SECUNDA – Teksa Bloeddiens het op 9 Julie ’n tronkvoëldag aangebied waartydens verskeie lede van die skenkerskomitee en die gemeenskap in die “tronk toegesluit” is.
Die “tronk” was een van die tak se vertrekke en het tralies gehad.
Die gevangenes het bordjies om hul nekke gedra.
Mense moes 10 of meer eenhede bloed per gevangene skenk voordat iemand vrygelaat kon word.
Lede van die Sektor 3 GPF het stalletjies gehad waar worsrolle en pannekoeke verkoop is.
Mnr. Chris de Nero het vir die vermaak gesorg.
Me. Dot Prinsloo, skakelbeampte van Teksa Bloeddiens, het gesê dat die dag suksesvol was.
“Die dag was goed beplan en selfs die plaaslike motorfietsklubs het hul deel gedoen om vir me. Michele Coetzee, kankeroorwinnaar, uit die tronk vry te laat.
Daar is ’n totaal van 53 eenhede bloed ingesamel.
