AfriForum rig padtekens op Secunda op vir padveiligheid
“Ons kan nie terugstaan en kyk hoe padveiligheid geen prioriteit geniet nie”
Die plaaslike AfriForum-tak het onlangs spoedhobbelwaarskuwingstekens, ’n toegeeteken en stoptekens op die dorp opgerig.
Dié projek is deur die tak geloods weens padveiligheidsrisiko’s wat bestaan omdat verkeerstekens nie deur die Govan Mbeki Munisipaliteit onderhou word nie.
“Dit is lekker om ’n verskil in ons gemeenskap te kan maak, maar meer mense moet by AfriForum betrokke raak en by ons aansluit,” het mnr. Hennie Pretorius, AfriForum se
takvoorsitter op Secunda, gesê.
“Ons kan nie terugstaan en kyk hoe padveiligheid geen prioriteit geniet nie.
“AfriForum is hier om ’n verskil in ons gemeenskappe te maak en sal dit aanhou doen deur soortgelyke projekte deur die loop van die jaar te loods,” het me. Hillel Coetzer, AfriForum se streekskoördineerder vir Mpumalanga-Wes, bygevoeg.
Lees ook: Polisie is besorg oor padveiligheid
