‘n Veiligheidsbeampte van Kasselman Veiligheidsdienste (KVD), het ‘n verdagte in hegtenis geneem in verband met graandiefstal op 6 Mei.
Die voorval het die aand plaasgevind op mnr. Simon Riekert se plaas tussen Morgenzon en Standerton.
Mnr. Riekert het die volgende oggend omstreeks 7.30vm onraad vermoed en met KVD in verbinding getree.
KVD het die Morgenzon Polisie in kennis gestel.
Sowat 15t sojabone is gesteel nadat die tapkarre en stroper aangeskakel is om die sojabone in ‘n vragmotor uit te tap.
“Diesel uit die trekker is ook gesteel en ek beraam die skade in die omtrek van R80 000,” het mnr. Riekert gesê.
At Caxton, every story is written by humans. We use AI only to perform quality checks - never to generate the news. Happy reading!
