Danie Smit neem fotografieklub se beste foto
Belangstellendes is welkom om volgende byeenkoms by te woon
SECUNDA – Mnr. Danie Smit se foto, Sunbird Article, was die beste in die voorgeskrewe onderwerp-afdeling by die Hoëveld Fotografieklub se byeenkoms wat op Vrydag, 16 Augustus by die Sasol Ontspanningsklub plaasgevind het.
Die voorgeskrewe onderwerp vir Augustus was Magazine Cover Pages.
Die ander wenners vir Augustus was dr. Leon Pelser onder die senior-fotograwe met sy foto Paraglider Lift Off en me. Lorraine Botha onder die junior-fotograwe met haar foto Stairwell at Art Museum of Ho Chi Minh City.
Die ander fotograwe wat presteer het en sertifikate van meriete ontvang het, is me. Sussa Pelser met haar foto Glider at Sunset, mnr. Danie Smit met sy foto, Wave Backflip, mnr. Gerrit Myburgh met sy foto Mushroom Rocks, me. Botha met haar foto Wraps and Noodles made from Ground Rice, me. Renera van Wyk met haar foto Beach at Sunset en me. Pelser met haar foto Ice.
Lede van die Hoëveld Fotografieklub vergader weer op Vrydag, 6 September om 6.30nm by die Scrum Inn by die Sasol Ontspanningsklub.
Skakel mnr. Pierre Jordaan by 082 465 0248.
