Hoëveld Fotografieklub skop jaar af
Belangstellendes is welkom om volgende byeenkoms in Februarie by te woon
SECUNDA – Fotograwe van die Hoëveld Fotografieklub het op Vrydagaand, 17 Januarie hul jaar met hul eerste byeenkoms afgeskop.
Die voorgeskrewe onderwerp vir Januarie was nagfotografie/stêrre en mnr. Piet Potgieter se foto, Spitzkop Stars, was die beste.
Mnr. Pierre Jordaan se foto, What did you say, was die beste onder die senior fotograwe en mnr. Gerrit Myburg se foto, Shaking off the Rain, was die beste onder die junior fotograwe.
Mnr. Jordaan het ook ‘n sertifikaat van meriete vir een van sy ander foto’s, Swewende Roofarend, ontvang.
Die ander fotograwe wat presteer en sertifikate van meriete vir hul foto’s ontvang het, is dr. Leon Pelser met sy foto, Field of Dreams, mnr. Danie Smit met sy foto’s Leeukop Sononder en Galery Trap en mnr. Johan Viljoen met sy foto, Exploding Sky.
Lede van die Hoëveld Fotografieklub kom maandeliks byeen en skryf dan hul beste foto’s in waar dit dan ten toon gestel en beoordeel word.
Belangstellendes is welkom om die klub se volgende vergadering op Vrydagaand, 21 Februarie by die Scrum Inn by die Sasol Ontspanningsklub om 6nm vir 6.30nm by te woon.
Skakel mnr. Jordaan by 082 465 0248.
