SECUNDA – Lede van die Secunda VLU-tak het op Woensdag, 15 Januarie die jaar met hul eerste vergadering afgeskop.
Dié tak het hul lede wat verlede jaar die beste deur jaar die presteer het, op ‘n prysuitdeling vereer. Me. Maryna Hartman het met die meeste pryse weggestap.
Sy het eerte plekke verower in die naaldwerkafdeling, die handvlytafdeling, die gebottelde/gebakte-afdeling en die konferensie/kongres-afdeling en sy het ook algeheel eerste geëindig.
Me. Launa Jansen van Vuuren het tweede in die konferensie/kongres-afdeling geëindig en sy het ook ‘n algehele tweede plek behaal.
Me. Estelle Boshoff het ‘n tweede plek in die naaldwerkafdeling behaal en algeheel derde geëindig.
Me. Lettie Visser het tweede in die naaldwerkafdeling geëindig en me. Teresa de Wet het derde in die konferensie/kongres-afdeling geëindig.
Me. Sophie Hugo het eerste in die gebottelde/gebakte-afdeling geëindig.
Vir meer inligting, skakel me. Jansen van Vuuren by 061 065 7417.
