Die AfriForum-tak in Ermelo het in Februarie voortgegaan met sy projek by die Pre-primêre Skool JJ van der Merwe waar ’n buiteklaskamer vir die kleuters gebou word.

Die tak het gehelp met die tweede fase van die projek deur ’n dak op te rig bo-oor die plaveisel wat verlede maand vir die buiteklaskamer gelê is.

“Die buiteklaskamer is vir die kleuters ’n groot aanwins omdat verjaarsdae en aktiwiteite daar gehou kan word,” het mnr. Renier van Heerden, voorsitter van die Ermelo-tak, gesê.

“Die Ermelo-tak se betrokkenheid by projekte soos hierdie skep hoop in die gemeenskap.

“Wat ’n groot voorreg is dit nie vir ons om die tweede fase van die projek af te handel met die wete dat die klaskamer nou gereed is vir die kinders om te gebruik nie.

Mnr Van Heerden het ter afsluiting almal bedank wat dit moontlik gemaak het.