Secunda-gemeenskap maak begraafplaas skoon
Ondernemings en organisasie neem hande en spring aan die werk.
SECUNDA – Die gemeenskap het onlangs die inisiatief geneem en self die begraafplaas skoongemaak.
Lede van die Teksa Gemeenskapsondersteuningsgroep asook AfriForum en mense van Sectri Auto Body, Car Doctor, M-Tool cc, Sotran Trading 37cc, Aurex Constructors, Extreme Thoughts, ER24, Stratcon, Fireplace Roadhouse, Kalahari Slaghuis, Legends, die CMA Bikers Church en die Adler Fahrers Secunda Motorfietsklub, het dié projek ondersteun deur te help skoonmaak of deur iets te skenk.
Hulle het die gras gesny, takke wat laag gehang het gesnoei en selfs die grafstene gewas.
Die organiseerders van dié projek het almal wat dit ondersteun het en ‘n bydrae gelewer het, bedank. Me. Lynette Bekker, een van die organiseerders, het gesê hulle het dit vir Valentynsdag gedoen.
