VLU-vroue kom byeen vir maandbyeenkoms
Taklede teenwoordig het oorwegend respek vir jou medemens en jouself, empatie, bedagsaamheid, deernis, behulpsaamheid, sowel as uitkom met die middele tot jou beskikking, uitgesonder.
Die VLU se Kaalspruit-tak het op Dinsdag 15 Junie by die Hervormde Kerk se saal op Standerton hul maandvergadering gehou.
Onder voorsitterskap van me. Marietjie Swart, is die sakelys afgehandel.
Mpumalanga se VLU-kongres is na 21 en 22 September geskuif.
Die volgende vergaderdatums van die tak is vir 10 Augustus en 14 September geskeduleer. Die vroue het die geleentheid gekry om te gesels oor wat hulle hul kinders en kleinkinders geleer het.
Taklede teenwoordig, het oorwegend respek vir jou medemens en jouself, empatie, bedagsaamheid, deernis, behulpsaamheid, sowel as uitkom met die middele tot jou beskikking, uitgesonder.
Me. Marinda Visser het daarna ‘n humoristiese gedeelte uit Jaco Jacobs se ‘Moenie hierdie boek eet nie’ voorgelees, wat groot byval geniet het.
Die VLU-vroue van die Vaalrivier-tak het op hulle beurt op 15 Junie ‘n werkswinkel aangebied waar ‘dot art’ beoefen is.
Taklede wat teenwoordig was, het elk een gemaak.
