ERMELO – Die Ermelo Fotoklub se lede het op 7 Julie hul maandelikse inskrywings vir beoordeling ingestuur.

Dié maand se beoordeling het tydens ’n Zoom-vergadering plaasgevind en mnr. Johan Drotsky van die Bethal Fotoklub het die inskrywings beoordeel.

Maandeliks kry fotograwe die kans om drie foto’s in die ope-afdeling en een foto in die vasgestelde onderwerpafdeling in te skryf.

Die vasgestelde onderwerp vir vandeesmaand was “landskappe”.

Mnr. Dirkie van Staden het die juniorafdeling met sy foto, “Dark blue sea”, gewen en mnr. Leon Drotsky se foto, “View from pier”, het die seniorafdeling gewen.

Lees die volgende uitgawe van die Hoëvelder vir al die uitslae van Julie-maand wenners.