ERMELO – Nissan Suid-Afrika het op 5 Augustus ’n nuwe Nissan Navara-bakkie aan die Mpumalanga Landbou-unie oorhandig om vir die volgende ses maande te gebruik.

Dié nuwe bakkie is deur mnr. Willem Bosch, die bestuurder van Morgan Nissan, aan mnr. Robert Davel van die Mpumalanga Landbou-unie in Ermelo oorhandig.

Agri Securitas Trustfonds en Nissan SA is trots op hul vennootskap van byna 21 jaar, waartydens Nissan groot bydrae tot die trustfonds gemaak het om plaasbeveiliging te bevorder.

Daar is verder genoem dat wanneer die landboubedryf, boere ingesluit, ’n Nissan-voertuig aankoop en van die vlootkode F14911 gebruik maak, Nissan SA verdere bydraes aan die Agri Securitas Trustfonds vir plaasveiligheid sal maak.