Cullinan wen hulle eerste ligawedstryd

Cullinan Rugbyklub se eerste span het op 6 April hul eerste ligawedstryd teen Brits gespeel op Brits se tuisveld.

Volgens Cullinan se afrigter, André van der Merwe was dit ’n harde wedstryd, maar soos die span momentum begin kry het, het hulle darem die wedstryd gewen.

Cullinan het Brits met 29–10 geklop en boonop ’n bonuspunt gekry.

“Emile Aggenbag was die man van die wedstryd, met drie pragtige drieë,” het van der Merwe gesê.

Die ander puntemakers was Pieter Uys met een drie, JP Booysen met een drie en Wynand Visser met twee doelskoppe.