Raadslid bevorder lees onder bejaardes van Cullinan en Rayton
Mense word aangemoedig om te lees van ’n jong ouderdom af.
Wyk 100-raadslid Johannes Bekker bederf bejaardes regoor die hoofstad met gratis tydskrifte.
Die afgelope paar weke is duisende tydskrifte uitgedeel by hospitale, tehuise en aftree-oorde.
“Bejaardes wat lees, geniet dikwels baie meer as net ’n goeie storie,” het Bekker gesê.
“Wetenskaplike studies het baie voordele van lees vir ouer volwassenes gevind. Dit sluit alles in van die vermindering van stres en die verbetering van slaap tot die verbetering van geheue, die verskerping van besluitneming en moontlik selfs die vertraag van die aanvang van demensie.”
Hierdie top vyf geestelike voordele van lees demonstreer waarom goeie senior leesgewoontes help om verstandelike vermoëns te bewaar, wat mense in staat stel om langer onafhanklik te lewe, het Bekker verklaar.
“Lees oefen jou geheue. Dit is van kritieke belang vir die korttermynherroeping van alledaagse gebeure. Gereelde geestelike oefensessies deur lees kan die brein se neurale netwerk versterk.
“Dit help jou verstand om meer ontvanklik te word vir leer en geheuebehoud,” het Bekker gesê.
“Wanneer dit by ontspanning kom, klop ‘n goeie boek ander aktiwiteite soos om na musiek te luister, ’n koppie koffie te drink of te gaan stap.
“Dit neem net ses minute vir die hartklop en spierspanning om te ontspan sodra iemand ’n boek lees. Dit beteken die geestelike voordele van lees kan letterlik help om jou lewenskwaliteit te verbeter,” het Bekker beaam.
