Laerskool Sundra hou prettige karnival

Ten spyte van die knypende koue wat die omgewing beetgepak het, het Laerskool Sundra vir warm harte gesorg.

Dié skool het op 7 Junie karnival vir hul leerders aangebied en sodoende die week vol van vrolikheid afgesluit.

Springkastele, gesigverf, alles met die agtergrond van vrolike musiek het die jong leerders gou van die koue laat vergeet.

Danksy borge was elke leerder ook met ’n worsbroodjie, spookasem en roomys bederf.