Onbehoude erf op Standerton brand

Raadslid Wilma Venter het op 11 Julie om 15:23 inwoners probeer opspoor vir ’n sleutel na ’n huis in Charl Cilliersstraat waar ’n brand vinnig die erf oorheers het.

Die perseel was egter onbeset en die erf was na bewering oorgroei.

Die brand het egter aangrensende eiendomme bedreig.

“Die brandweer het vinnig reageer om die vlamme onder beheer te kry, maar erwe wat nie onderhou word deur eienaars nie, bly ’n groot brandrisiko wat maklik skade aan naburige eiendom kan veroorsaak,” het Venter gesê.