Standerton NG Suid-gemeente hou basaar

Die NG Kerk Standerton-Suid het op 28 Februarie en 1 Maart ’n fees van ’n kerkbasaar gehou. Gemeenskapslede kon uitsien na ’n gesellige dag van pret en heerlike happies.

Op die spyskaart was talle smullekker kossoorte, insluitend souserige boereworsrolle, kraakvars vetkoek, heerlike mini-oliebolle en selfs ’n skaapkop of twee.

Die basaarpoedingstalletjie het besoekers oorweldig en voorraad was binne drie ure op 1 Maart uitverkoop. Kinders het op die kerkgronde baljaar met helium ballonne en verskeie ditjies en datjies van die speelgoedstalletjie.

Marizaan van Zyl se hekelwerk het uitgestaan tussen al die stalletjies.

ALSO READ: Govan Mbeki mayor reshuffles mayoral committee

ALSO READ: WATCH: Secunda man and daughter reunite after 52 years