Die Mpumalanga provinsiale XCO Fietsryreeks het op 7 Maart by Terra Nova Bike Park afgeskop. Dit was die eerste van vier wedrenne wat in April en Mei by Klipspringer, Ermelo en Mankele plaasvind.

In die nipper afdeling vir seuns (7-10 jaar), was dit Wihan van Niekerk wat eerste oor die wenstreep gejaag het terwyl Stephan Mouton tweede geëindig het en Wandre Durand derde.

Onder die meisies van dieselfde ouderdomsgroep, was dit Emma Willemse wat eerste oor die wenstreep gejaag het terwyl Andrea Cronje tweede geëindig het en Emmah Prinsloo derde.

In die Sprog-afdeling vir seuns (11-12 jaar), het Christiaan Prinsloo as die wenner weggestap terwyl Reyneke van Heerden tweede geëindig het en Nian van Vuuren derde.

Onder die meisies van dieselfde ouderdomsgroep, was dit Zianay Rademeyer wat as die wenner weggestap het, terwyl Lily Hattingh tweede geëindig het en Marisa Mouton derde.

Dian Pretorius was die eerste seun oor die wenstreep in die sub junior seunsafdeling (13-14 jaar) terwyl Sebastiaan Matthee tweede geëindig het en Janko Pieters derde.

Leyla de Oliveira was die eerste meisie in dié ouderdomsgroep terwyl Lana de Vries tweede geëindig het en Nelda Strijdom derde. Brand du Plessis (junior) het die jong mans-afdeling (15-16 jaar), gewen terwyl Zander Ferreira tweede geëindig het en Ruben Krugel derde.

In die afdeling vir jong vroue (15-16 jaar), was dit Miandi Pretorius wat as die wenner weggestap het, terwyl Gabriella de Oliveira tweede geëindig het en Kylie Briedenhann derde.

Matthew Warburg het die junior mansafdeling (17-18 jaar) gewen terwyl Reuel McCabe tweede geëindig het en Janco van Staden derde. Lu-Mari du Plessis het die junior vroue-afdeling (17-18 jaar) gewen terwyl Dane Strijdom tweede geëindig het en Kyla Oosthuizen derde.

Eben Binneman het die elite-mansafdeling (19-29 jaar) gewen terwyl Jano Venter tweede geëindig het en Estian Herselman derde. Marjuzel Hamman het die elite afdeling vir vroue gewen.

Wesley Boshoff het die sub-veterane-mansafdeling (30-39 jaar) gewen terwyl Duane Purcocks tweede geëindig het en Dean van Niekerk derde. Suriene van Biljon het die sub-veterane-vroue-afdeling (30-39 jaar) gewen.

Onder die veterane mansafdeling (40-49 jaar), was dit Brand du Plessis wat die baan die vinnigte kon klaarmaak terwyl Paul Cronje tweede geëindig het en Chris Herselman derde. In die veterane vroue-afdeling (40-49 jaar), was Margaux Nell die vinnigste fietsryer terwyl Alna du Toit tweede geëindig het en Hannetjie Pretorius derde.

Olga Lourens was die wenner in die meesters-vroue-afdeling (50-54 jaar) terwyl Mark Filter die wenner onder die mans was.

Kobus Arlo en Werner Durand het onderskeidelik tweede en derde in dié afdeling geëindig. James Owens was die wenner in die groot-meesters-afdeling vir mans (60 jaar en ouer)..