Die Vrydag is My Dag-gholfdag, wat op 13 Maart ter nagedagtenis van die Secunda-sakeman, Martin Brown (33) gehou is, het ’n baan vol spelers gelok.

Brown is op 15 Oktober verlede jaar in ’n vliegongeluk dood is. Twee vriende van Brown, Dewaldt Stander en PW Nel het besluit om dié dag te reël en dan ook geld vir liefdadigheid in te samel.

Stander het gesê die dag was ’n reuse sukses met 120 gholfspelers wat deelgeneem het en sowat 80 toeskouers wat die dag saam met vriende en familie geniet het.

Stander en Nel het besluit om dié dag op ’n Vrydag te hou omdat Brown altyd gesê het: “Vrydag is My Dag” en dan graag saam met sy vriende by die gholfklub gekuier het.

Die geld wat tydens dié gholfdag ingesamel is, gaan aan die Janelle Huis en SAVF Huis asook New Hope geskenk word.

Volgens Stander sal dié dag nou ’n jaarlikse instelling word. Hy het al die borge en deelnemers vir die dag bedank.

Brown se familie het ook die dag bygewoon.