SECUNDA – Netbalspelers het weer verlede week in die binnenshuise netballiga by Lake Umuzi meegeding.
Die Fear This-span en die Mix and Match-span het Maandag, 11 November kragte gemeet en die Mix and Match-span het dié wedstryd 24-23 gewen.
Die Pofmuise het hul wedstryd teen die Fun Girls gewen en 35 punte gekry.
Die Puss and Boots-span en die Silent Assassins het Woensdag, 13 November kragte gemeet en die Silent Assassins het dié wedstryd gewen en 40 punte gekry.
Die Fun Girls het op dieselfde dag die Stingers 2 die stryd aangesê en gewen en 66 punte ingepalm.
Die Mix and Match-span en die Cautions het Vrydag, 15 November kragte gemeet en die Mix and Match-span het gewen en 47 punte behaal.
Ander spanne wat op dié dag kragte gemeet het, was die Underdogs en die Puss and Boots-span en laasgenoemde span het dié wedstryd gewen en 51 punte gekry en die Cautions en die Fear This-span en die Cautions het hul wedstryd gewen en 37 punte gekry.
Dié liga duur vandeesweek voort en die Mix and Match-span en die Pofmuise, asook die Stingers 2 en die Underdogs het Maandag, 18 November kragte gemeet, terwyl die Underdogs en die Fun Girls en die Stingers 2 en die Fear This-span mekaar op 20 November sal uitdaag.
Die eindronde en halfeindronde van dié liga vind op 23 November plaas.
Vir meer inligting, skakel die organiseerder, me. Adelle Grové, by 072 262 4634.
