SECUNDA – Die sewende week van die binnenshuise netballiga het verlede week by Lake Umuzi afgeskop en die Buns & Guns-span en die Black Magic-span het Maandag, 14 Julie kragte gemeet.
Die Buns & Guns-span het die wedstryd met ’n telling van 34-15 gewen.
Die Shooting Stars en die Jaguars het Woensdag, 16 Julie teen mekaar gespeel en die Shooting Stars het die wedstryd 49-14 gewen.
Die Buns & Guns-span het die Fighting Hens op dieselfde dag geklop met ’n telling van 77-7.
Die Silent Assassin het die Black Magic-span Vrydag, 18 Julie 52-19 geklop en die Bethal Stingers die E-Lemon-Nators met 41-21.
Die liga duur vandeesweek voort en Maandag, 21 Julie het die Bethal Stingers en die Shooting Stars gespeel.
Die E-Lemon-Nators en die Shooting Stars ding Woensdag, 23 Julie mee, asook die Puss & Boots-span en die Wold Pack-span.
Die Sublime-span en die Hot Rods meet Vrydag, 25 Julie kragte, asook die Shooting Stars en die Wolf Pack-span.
Belangstellendes is welkom om na die wedstryde wat by Lake Umuzi plaasvind, te gaan kyk.
Vir meer inligting, skakel me. Adelle Grové by 072 262 4634.
