SECUNDA – Die binnenshuise netballiga by Lake Umuzi het op Maandag, 21 Julie voortgegaan en die Shooting Stars het die Bethal Stingers geklop met ’n telling van 38-31.
Die Shooting Stars het op Woensdag, 23 Julie met die E-Lemon-Nators kragte gemeet en hul wedstryd gewen met ’n telling van 35-25.
Die Puss & Boots-span het op dieselfde dag 66 punte aangeteken tydens hul wedstryd teen die Wolf Pack wat net nege punte kon kry.
Die Sublime-span en die Hot Rods het mekaar op Vrydag, 25 Julie die stryd aangesê en die Sublime-span het die wedstryd gewen met ’n telling van 38-29.
Die Wolf Pack-span het Vrydag weer in die stof gebyt toe hulle hul wedstryd teen die Shooting Stars verloor het.
Die telling van dié wedstyd was 57-26.
Die Shooting Stars en die Underdogs het op Maandag, 28 Julie kragte gemeet en op Woensdag, 30 Julie speel die Underdogs teen die Stingers en die Buns & Guns-span teen die Hot Rods.
Die Silent Assassins en die Tangy Fast Fires sê mekaar op Vrydag, 1 Augustus die stryd aan, asook die Bethal Stingers en die Wolf Pack-span.
Belangstellendes is welkom om na dié wedstryde by Lake Umuzi te gaan kyk.
Vir meer inligting, skakel me. Adelle Grové by 072 262 4634.
